"A-Asawa ..." alanganin na tawag niya kay Laila. Lihim na nangangamba na baka alam na nito ang kaniyang mga ginagawa.
Laila burst out laughing, "Just kidding, Hubby. Nakakatawa naman 'yang reaksyon mo. Anyway, maganda. Bagay sa'yo ang mga ganiyang damit. Mas lalo kang gumaguwapo," bawi nito.
Napangiti nang alanganin si Vincent sa biro ni Laila.
"Nakakatakot naman ang biro mo, Asawa. Gusto mo na ba akong patayin?" ganting biro niya habang inilalapag ang mga pinamiling mga pagkain.
Huminto ang babae sa pagtawa at napatitig sa kaniya.
"Parang ang dami naman yata niyan? Baka wala nang natitira na pera sa kinikita mo sa pagtatrabaho," mahinang wika ni Laila habang pinapanood siya sa ginagawa.
"H-Huwag mo nang isipin 'yon. Ang mahalaga ay ang kumain ka ng masusustansiya para mas mabilis kang lumakas. One of these days ay baka maoperahan ka na."
"Talaga? P-Pero saan naman tayo kukuha ng pera na pambayad? Hindi naman ganoon kalaki ang kinikita mo sa trabaho mo."
He just smiled. "Nanghiram mun
