Kinakabahan si Analyn habang nakatayo sa labas ng pintuan ng kuwartong nilabasan nila kanina ni Vhance. Hindi niya alam kung tama ba ang desisyon niyang maniwala sa ideya ni Brittany.
Pero wala na siyang magawa kung hindi kapitan iyon at si Brittany. Alang-alang kay Vhance. Sa pag-aanalisa niya, kasalanan ni Anthony kung bakit bumagsak ang kumpanyang ipinahawak niya rin kay Vhance. Si Anthony ang puno’t dulo ng lahat ng ito, at gusto niyang tulungan si Vhance para iparating kay Anthony na hindi dapat kakompitensya ang tingin sa isang kapamilya.
Suot na niya ang damit na ibinigay ni Brittany. Ganito raw manamit ang kakilala ng Papa niya.
Kinuha ni Analyn ang alak mula sa dumating na waiter, at saka lakas-loob na pumasok sa loob ng kuwarto kung saan naroroon ang Papa ni Brittany.
Nagulat si Analyn ng makita na maraming tao sa loob. Mga disenteng kalalakihan na naglalaro na ng baraha. Napalunok na lang si Analyn ng magtinginan sa kanya ang lahat sa pagpasok niya.
Tumaas ang isang kil
