"Ano ngayon ang plano? Ibig kong sabihin ay tungkol sa nangyari. Ilang araw na ang nakalipas simula noong tinupok ng apoy ang kumpanya, ganoon na rin na walang imik si Kuya. Si Daddy na natagpuan ng mga tauhan ng asawa ko sa sementeryo," ani Crystal Angela.
"Sa ngayon ay wala akong masabi, bunso. Dahil sa nangyaring ito ay hindi ko rin alam kung ano ang uunahin kong harapin. Ang bangkay ni Daddy na kasalukuyang nakaburol o ang tungkol sa kumpanyang kinain ng apoy o ang kapatid nating halatang wala sa sarili," tugon ni Claudette.
"Kahit sino naman siguro ang nasa kalagayan ni bayaw. Ang inakala nating nasa bakasyon na si Daddy ay sa sementeryo pala ang tinungo. Doon nagtago ng ilang araw. Hindi lamang iyon, ang kumpanyang pag-aari ng pamilya De Luna. Ngunit ang pinakamasaklap ay ang hipag ninyo. Kahit pa sabihing hindi lamang siya ang ang kinain ng apoy," pahayag ni Adolfo.
Sa pahayag na iyon ng bayaw ay hindi na nakaimik si Crystal Angela. Subalit ang asawa naman niya ang nagwika.
"Sa
