"Bilisan ninyo sibat na! Sabihan ninyo ang mga nasa labas!" sigaw ni Uno. Ngunit halos hindi pa natatapos ang sinasabi ay nahila na siya ni Anton, iyon pala ay kamuntikan na siyang matamaan ng bala.
Nakipagpalitan sila ng putok! Pero dahil napalibutan sila ng mga tauhan ng kalaban o ni Duncan ay unti-unti na silang nauubos.
"Sabihan mo sina Paeng at Beo tara na sa sasakyan. Bilisan ninyo!"
"Masusunod, bossing. Pero halika na sabay na tayong lumabas."
Pero nasalubong naman nila ang mga kalaban. Kaya't agad din silang nagkubli.
"Napapalibutan na kayong lahat. Kaya't mas mabuti pang sumuko na kayo!" sigaw ng isang tauhan ni Duncan.
"Mga hangal! Sigurado akong tauhan kayo ni Alcovar kaya't hinding-hindi n'yo kami mapapasuko!" ganting sigaw ni Uno na nakamuwestra ang palad kay Anton na sabay silang aatake.
"Kayong dalawa na lang ang naiwan! Kaya't huwag na kayong magtangkang lumaban!" wika pa ng isa.
Pero para sa mga tulad nila Anton at Uno ay hindi sila nakikig sa sinabi ng mga kalaban b
