"Jia! Theus!" maligayang tawag-pansin sa amin ni Vanessa. Buti at nadinig ko pa ang boses niya sa lakas ng pinapatugtog noong EDM.
Nandito kami ngayon sa isang sikat na bar sa walking street. Nagkayayaan kasi kaya sumama nalang din ako. Minsan na nga lang kami nakumpleto lalo na at nakaalis na si Sydney pa-Canada para sa career niya as a nurse.
Nang tuluyan na kaming makaakyat ni Theus sa second floor ng bar ay sinugod na ako ng yakap ni Vanessa. Napabitaw tuloy ang kapit ko sa braso ni Theus.
"Ganda natin, ah?" untag ni Vanessa pagkatapos akong yakapin. Pinaraanan niya ng tingin ang suot ko. Bumaling siya kay Theus.
Nakasuot ako ng isang peach spaghetti strap tie-back shirred waist ruffle hem dress at isang cream low-heeled sandal. Kipkip ko sa isang kamay ang maliit na handbag. Walang-wala lang naman ang suot ko sa outfit ni Vanessa.
Nakasu
