Chapter 19
[Nathaniel's POV.]
PABALIK-BALIK ako ng lakad sa likurang bahagi ng silid na ito, hindi ako mapakali. Kapag uupo naman ako'y hindi ko mapigilang hindi i-yugyog ang aking isang paa. Natataranta ako. Bawat pagtunog ng segundo sa orasan dito sa conference room ay ang mabilis namang pagkabog ng aking dibdib. Kinakabahan ako. Huwag ko na lang kaya itong ituloy?
"Conference Room sa building na 'tin. 5:00 PM sharp."
Iyon ang sinabi ko sa kanya pero nangangalahating oras na ang lumipas nang mag-alasingko subalit wala pa rin siya. Pupunta pa ba siya? Siguro hindi na kasi iniiwasan niya nga ako. Pero paano kung late lang siya tapos pumunta nga siya rito at wala na ako? Argh! Kailangan maayos ko na ito ngayon din dahil nahihirapan akong mag-pokus sa ibang mga ginagawa ko. Malapit na ang Season League at hindi puwedeng nasa ibang dimension ang aking pag-iisip.
"Anong ginagawa mo rito? Kanina pa uwian, ah?" Itinutok sa akin ng guard ang lingas ng flashlight na hawak niya. Napaiwas a
