Halos dalawampung Dragon Knights na ang napatay nila, ngunit patuloy pa rin sa pagdami ang grupo ng ng mga ito na hindi nila alam kung saan nanggaling. Tila ba alam na ng mga ito na dito sila sa dadaan sa rooftop. “Tangina,” mura ni Dustin sa sarili. May traydor talaga sa mga tauhan niya, at alam ng mga kalaban ang bawat plano at galaw niya. Sa oras na malaman niya kung sino ang traydor, maghanap na ito ng butas ng karayom na pwedeng pagtaguan, dahil siguraduhin talaga niyang siya mismo ang papatay.
Gulat ang mga Dragon Knights, dahil sa dami nila, ngunit nahihirapan pa rin silang lapitan ang mag-ina. Ito lang naman ang inutos sa kanila. Ngunit hindi nila inaasahan na ganito pala kalupit kapag lumaban si Dustin. Ang alam nila, pinuno ito ng Black Dragon, which is kaya na rin nilang pantayan, dahil, lahat ng training ng Black Dragon, itinuro na rin sa kanila ng mahabang panahon. Ngunit nakapagtataka dahil lahat sila, halos nakaramdam ng panghihina sa bawat tama ng mga sipa nito sa k
