“Gemma, Gemma, anong nangyari sa ‘yo?” umiiyak na tanong ni Myrna. Almost thirty five years na hindi sila nagkita ng kaibigan at ngayon, hindi niya inaasahan na makita niya ito sa ganitong kalagayan.
Nakasalubong ang dalawang kilay ni Drake, na tiningnan si Myran na bigla na lang yumakap sa kanyang ina. Napalingon siya sa mga kasamahan nito na nakatayo mula sa pintuan. Nakita niya ang malamlam na mga mata ni Rihanna habang nakatingin sa kanya, at sa likuran naman nito si Dustin na umaalalay rito. Sa tabi naman nito ay si King Rhiannon at Mommy Alice niya na panay ang pahid ng mga luha habang nakatingin sa kanya. Waring hindi alam ng mga ito kung paano magpaliwanag.
“Ku..Kuya, ang daya mo..’’ sinugod siya ng yakap ni Rihanna habang umiiyak. Hindi na niya kailangan pang hulaan kung ano ang nangyari, bakit napa-sugod ang mga ito sa lugar niya.
Gumanti rin siya ng yakap kay Rihanna at hinaplos-haplos ang buhok nito. “Sinasabi ko na nga ba, sanggang-dikit tayo, kaya pala gusto kong lagi kit
