Confirmed na! Tinakasan nga siya ni Bebe. Wala na siyang dahilan para mag-hold on pa. Itutuloy na niya ang planong bumalik ng Scotland, kakalimutan na niya si Bebe, at magmo-move on na siya ng tuluyan.
Masakit mang isipin dahil si Bebe lang ang tanging babaeng binigyan niya ng atensyon. Hindi siya mahilig sa babae dahil ayaw niyang maging katulad ng Daddy niya, at pera lang ang habol ng karamihan sa mga babae sa kanya. Nalulungkot siya sa mga naiisip niya… ang sakit pala talaga na harap-harapan kang binabalewala.
“Oh, bakit bigla kang nalungkot diyan?” tanong ni Ken sa kanya.
“Ahh… wala.”
“Kailan ang plano mong umalis?”
“Sa loob ng dalawang linggo. Pinangakuan ko na ang Mommy ko na uuwi ako sa loob ng dalawang linggo. Aasikasuhin ko lang ang mga naiwan kong negosyo. Baka ibenta ko ang iba kong properties para hindi na ako mahirapan.”
“Sa tono ng pananalita mo, parang hindi ka na babalik ah?” nagtatakang tanong ni Ken. “May iniiwasan ka ba dito sa Pilipinas?”
“Ahm, wala naman… Baka mat
