ROSABEL'S POV:
Oo, at nakapikit na siya... ang akala ni Gray ay nakatulog na siya, pero ginawa lang niya iyon para makapag-isip-isip.
Hanggang ngayon ay natatakot pa din siya.
Kanina, nang umpisahan siyang hawakan ni Gray, ay naalala niya ang pangmomolestya ni Lindy kay Gray sa harap niya mismo. Hindi na niya kayang makipagniig sa lalaking nilawayan ng iba sa mismong harap niya. Nandidiri siya.
Oo, at wala namang kasalanan si Gray doon, pero sino ang sisisihin niya? Dapat ay may pagbuntungan siya ng kanyang galit. Hindi naman mangyayari ang lahat ng ito kung hindi dahil sa nobyo niyang babaero. Ngayon, isa-isa nang bumabalik at naghihiganti ang mga babae nito sa kanila.
Una ay si Bianca noong college silang sinira ang pangalan nya dahil sa pagkalat ng video nyang nakahubad. Panglawa ay si Solen.... matinding paghihirap din ang binibigay ni Solen sa kanila. At eto naman ngayon si Lindy na hindi nila akalaing kayang gawin ang lahat ng ito. Muntik na silang mamatay. Muntik na siyang ma-
