Habang binabaybay ni Caleb ang daan patungong ospital, dama niya ang mabilis na pintig ng kanyang dibdib. Hindi niya maintindihan kung bakit ganoon ang epekto sa kanya ng narinig. Hindi na sila mag-asawa, wala na silang ugnayan. Ayaw na nito sa kanya, kahit mahal niya pa ito, ngunit nang marinig ang salitang "may sakit," si Hannah, parang may tumusok sa kanyang puso.
Hindi siya handang marinig iyon mula sa ibang tao. Hindi siya handang malaman iyon nang hindi galing kay Hannah mismo. Kaya ba namumutla ito palagi?
Pagkarating niya sa ospital, agad siyang nagtungo sa information desk.
“Excuse me, may naka-confine bang Hannah Ignacio dito?” tanong niya, kahit hindi siya sigurado kung iyon ang apelyido na ginagamit nito.
Nagtinginan ang mga nurse. “Sir, patient confidentiality po—”
“Kaibigan ako. Kailangan ko lang malaman kung nandito siya. Please…” Bahagyang pakiusap niya, kahit halata sa mukha ang tensyon.
Mabait ang isang nurse na tila naawa sa kanya. “Sir, nasa Room 506 siya. Pero ka
