Pumasok ang taxi sa maliit na kanto. Dikit-dikit ang mga bahay roon at marami pa ring nakatambay sa kalsada. May mga nag-iinuman pa. Maya-maya pa ay pumara na si Baste. Nauna siyang bumaba pagkatapos ay tinulungan naman niya akong makababa. Akala ko ay nasa tapat na niyon ang kanilang bahay ngunit pumasok pa kami sa isang iskinita. Madilim at makipot ang dinaanan namin kaya hawak-hawak ako ni Baste sa palapulsuhan. Para akong bata na inaakay ng magulang pag tatawid sa kalsada.
Tatlong minuto rin ang nilakad namin hanggang sa marating namin ang maliit na bahay. Pumasok kami roon at tumambad sa'min ang dalawang dalaga na nanonood ng isang reality show sa maliit na TV. Sabay silang tumayo nang makita si Baste.
"Kuya!" Bati nila. Lalapitan sana nila si Baste ngunit natigil sila nang makita ako. Sinuri ako ng mga dalaga kaya hilaw akong ngumiti.
"S-sino siya?" Tanong ng mas bata niyang kapatid.
"Si Miss..." Natigilan ito dahil hindi ko pa rin pala naipapakilala ang sarili ko sa
