"CASSANDRA DAWN SAMONTE, will you give me the honor to be your husband and father, to our child?" bahagya nang nabasag ang tinig nito. "Will you marry me?" ani Art at binuksan sa harap niya ang hawak nitong kahita na naglalaman ng isang napakagandang engagement ring.
Panay ang agos ng mga luha ni Dawn, ngunit nag-uumapaw sa kaligayahan ang puso niya.Hindi niya akalain na darating pa ang pagkakataong ito. Akala niya ay pagiging tatay na lamang ng anak niya ang magiging papel nito sa buhay niya.Hindi na para maging asawa niya."Yes!"Doon na pumatak ang kanina pa pinipigilang mga luha ni Art. Agad itong tumayo at dali-daling lumapit sa kanya. Nanginginig pa ang kamay nitong inabot ang kamay niya at isinuot doon ang singsing. Matapos ay hinalikan nito ang likod ng palad niya kung nasaan ang singsing bago siya mahigpit na niyakap.Narinig niya ang palakpakan ng mga tao sa paligid nila."Thank you." anas ni Art sa tainga niya habang yaka
