"Ro-Robert, sandali, pwede ko bang malaman kung nasan tayo?"
Nahihiya man sa driver ay pinili pa rin ni Izzy ang mag tanong dito nang pag buksan siya nito ng pinto ng sasakyan.
Walang reaksyon naman siya nitong tinapunan ng tingin saka tipid na sumagot.
"Utos ni boss na dito ka dalhin, nasa loob siya, sasamahan kita pag pasok."
Pilit itinago ni Izzy ang simpleng pag simangot nang mapagtantong hindi naman nasagot ni Robert ang tanong niya, gusto niya sanang malaman kung pag aari ba ni Seth ang malaking building kung nasaan sila, lalo at hindi lamang pamilyar ang pangalan na naka paskil sa pinto, iyon rin ang pangalang naka tattoo sa likod ng balikat ni Seth na kanin umaga niya lamang napansin.
Sino si Shania?
Gustohin mang isatinig ni Izzy ang tanong niyang iyon ay pinili niya na lamang ang manahimik, alam niyang hindi ang driver ni Seth ang dapat niyang tanungin tungkol doon.
"Nag hihintay si boss sa loob, halika na."
Simpleng napa buga na lamang ng hangin si Izzy nang muling marinig
