[Skye]
Maluha-luha siya habang nagpapaalam sa kuya niya. Ibabalik na kasi ito sa hospital kasama ang mga private nurse na kinuha ni Adius.
“A-a-ate, ang g-gusto ni Jhake wag mo iwan si Kuya Adius. K-k-kasi kawawa naman siya. D-dito ka lang sa bahay niyo… g-gagawa pa daw kayo baby eh!”
Napuno ng kantiyawan nila Tita Alena at ng mga tiyahin ni Adius ang paligid. Namumula ang pisngi niya—hindi sa kilig, kundi sa sobrang inis. Ito siguro ang binulong ni Adius kanina sa kapatid niya. Gusto lang naman sana niyang sumama na ihatid ito sa hospital eh.
Nang umakbay sa kanya si Adius ay nakita niya kung paano namutla ang mga mukha ng mga kaibigan niya, lalo na si Jolina. Alam kasi ng mga ito na siya ang nagbabayad ng kasalanan na ginawa nila. Sinabi iyon ni Jolina kanina lang sa mga ito. Puro humihingi ng tawad ang mga mukha ng mga ito, lalo na ang mukha ni Lider Vhong at Wamos.
Pero ano pa nga ba ang magagawa nila? Wala, di’ba? Narito na ito. Wala ng atrasan ‘to.
“Magpaalam ka na s
