[Apol]
Lumuluhang hinawakan ni Lito ang kamay ni Rima, halos maglumpasay ito sa labis na pag iyak. "L-Lumaban ka palangga ko, p-palagi lang akong nandito sa tabi mo para alagaan ka, hindi kita iiwan kahit ano ang mangyari... p-please, lumaban ka!"
Hindi maipinta ang mukha nilang lahat habang nakatingin kay Lito. Kung makaiyak naman ang isang 'to ay parang mamamatay na si Rima, samantalang masakit lang naman ang ngipin nito.
"Hoy, Lito! Kapag ako naasar sa'yo ipapalit kita ri'yan sa hinihigaan ni Rima! Aba, buhay pa 'yang nobya mo pero kung makaiyak ka parang nakaburol na siya! Nakakakilabot kayong dalawa! Ang sakit niyo sa mata!" Nanggagalaiting wika ni Ester, kulang nalang ay sipain nito palabas si Lito ng kwarto.
"Bakit nagagalit ka pa ri'yan? Dapat nga ay magpasalamat ka dahil kung hindi dahil sa malubhang lagay ni Rima ay hindi mo makikita ang crush mo! Ang dami mo pang sinasabi, eh halos mangisay ka sa kilig kanina!" Sikmat ni Lito, muli ay bumaling ito sa nobya. "Palangga ko, s
