[Apol]
Bago pa makarating ang mga tauhan ni Gervin ay itinali niya ang kamay at paa nito, maging ang bibig nito ay binusalan niya. Saka niya hinila ang katawan nito sa banyo. Hindi naman kasing laki ng hubby niya ang katawan nito, kaya hindi siya nahirapan na hilahin ito. Ang akala ng mga tauhan ni Gervin ay nauna na ito kaya agad na umalis ang mga ito nang hindi man lang tiningnan ang banyo.
“Hmmp! Hmmp!”
Nilagay niya ang isang palad sa tenga. “Ha? Ano? Hindi kasi kita maintindihan.” Mahina siyang natawa. “Ay oo nga pala may busal ka, hehe.” Ibalis niya ang kapunit ng damit ni Daniella na nilagay niya sa bibig nito.
“Apol, listen to me, wag mo itong gawin. Hindi ka masamang tao kagaya ng asawa mo—“
“Shhh, hindi kita tinatanong kaya wag kang magsasalita.” Tinapat niya ang baril sa bunganga nito. “Sige ka, baka sumabog ang dila mo kasama ang utak mo dito sa banyo. Ikaw rin, hindi lang kamay ang mawawala sa’yo.” Pananakot niya.
Kung makapagsalita ito na masamang tao ang asawa niya ay ak
