[Apol]
Malakas siyang napasinghap. Hays salamat naman at ligtas na sila. Sa panaginip niya kasi ay nag iisa siya sa dilim at walang kasama.
“Mabuti at gising ka na, anak. Heto nagtimpla ako ng gatas para sa’yo.” Wika ng nanay niya na kararating lang.
Nagtatakang nilibot niya nang tingin ang paligid. Hindi ito ang kwarto nila ni Xerxes, hindi rin ito ang kwartong tinutuluyan niya sa mansion ng kanyang ama. “Nay, nasaan po tayo? Nasaan na ang asawa ko?” Ang huli niyang natatandaan ay pagkatapos iyong sabihin sa kanya ng asawa niya ay yumakap ito nang mahigpit sa kanya… na para bang ito ay nagpapaalam na.
Biglang binundol ng kaba ang dibdib niya ng mapansin na lumungkot ang ekspresyon nang kanyang ina. “Apol anak, nagdesisyon si Mr. X na makipaghiwalay na sa’yo. Nari’yan sa mesa ang annulment paper na kailangan mong pirmahan.”
“N-nay, hindi ko ho kaya!” Nag unahan sa pagtulo ang luha niya. Kaya pala iba ang dating nang mga sinabi nito at pagyapos nito sa kanya, nagpapahiwatig na pala ito
