[Apol]
Tama ang asawa niya, kailangan na nilang makaalis sa lugar na ito. Pareho silang natigilan nang makarinig ng kalabog sa gitnang kwarto, ang hindi pa nila napapasok ni Cherry.
Malakas na sinipa ni Xerxes ang pintuan.
“Mmmp! Mmmp!” Si Charlotte! Mayro’n itong busal sa bibig at tali sa kamay at paa.
Nanlaki ang mata nila ni Cherry nang makitang dumudugo ang ulo nito. Agad na inalalayan ni Cherry ang kapatid nito. Maluha-luhang yumakap ito kay Cherry matapos makawala sa pagkakatali. “B-buti nalang dumating kayo. S-si Cholo, siya ang may gawa nito sa akin— ate! M-may tama ka!” Nag aalalang wika nito nang makita ang tama ni Cherry sa hita. “W-walanghiyang Cholo ‘yan! M-magbabayad siya!”
“Wala na tayong oras para magalit sa kanya. Kailangan natin makaalis bago pa sumagog ang lugar na ito!” Aniya rito. “S-si lolo! Kailangan natin siyang mailabas ng mansion!” Kahit na may nagawa itong kasalanan ay hindi parin niya gusto itong iwanan. Nagdurusa na ito ngayon at wala nang lunas ang
