Chapter 5 (7) To Protect Her
(Sera POV)
“Miss Sera…” Malapit na malapit na talaga sa akin ang mga yapak ang boses nila. Hangang sa di ko na nakayanan, muli na naman akong tumakbo. May mga sinasabi si Kuya sa kabilang linya ngunit hindi ko na ito maintindihan. Kaagad akong hinabol ng mga lalaki. Maririnig na ang mahina kong iyak, hangang sa ibinaba na nga ni Kuya ang tawag. Gagawa siya ng paraan alam ko, ngunit sana naman hindi maging huli ang lahat.
Muli akong nagkubli sa mga dahon na sana sapat lang para maitago ako. Nang biglang lumiwanag ang paligid dahil yung ulap na nakatakip sa bilog na bilog na buwan ay dumaan na. Mas lalo akong makikita nito. Sinubukan ko pang maikubli ang aking sarili… At dinig na dinig ko sa paligid ang patuloy na paghahanap nila sa akin at pagtawag ng pangalan ko na para bang matagal na nila akong kilala.
Nanginginig ako. Sobrang natatakot sa nangyayari. Hindi ko pinansin ang mga natamo kong sugat, at ang takot na kung ano na nga itong kinalalagyan ko ng
