Chapter 9 (4) No Turning Back
(Sera POV)
Tuluyan nang naka-uwi si Nathaniel sa kanyang bahay, ngunit ni minsan hindi kami nagkakasalubungan, at halos isang linggo na din siyang nakabalik dito. Tinatangka ko man na hintayin ang pag-uwi niya, nakatulog din ako kaagad dahil sa body rhythm na meron ako. Saka kapag nagigising naman ako ng maaga, natutulog pa ito, at pinagbilinan si Manang Dorothy na wag siyang gigimbalain.
Hangang sa umaalis naman siyang hindi ko namamalayan. Napabuntong-hininga ako. Iniiwasan ako ni Nathaniel na parang isang napakamalubhang sakit. Ngunit hindi ko naman hahayaan na apektuhan nito ang araw ko. Kahit hindi na nito tinitikman ang inihanda ko sa kanyang pagkain. Dahil ba sa bahay namin siya kumakain… At luto ni Ate Wilma? Di naman sa nagmamayabang, eh hindi nga marunong magprito ng itlog si Ate. Pero baka tinatago lang ni Ate Wilma ang galing niya sa pagluluto.
