"THEN, was it you?" tanong sa kaniya ni Clyde.
Nagulat si Calista sa tanong ni Clyde ngunit sa abot ng kaniyang makakaya ay ginawa niya ang lahat para patatagin ang anyo.
"Pinaparatangan mo ba ako?" Bakas sa tono ng pagsasalita niya ang inis.
Unti-unting lumambot ang ekspresyon ng mukha ni Clyde at nginitian na siya ulit. "Well, hindi mo naman kasi sinasabi sa akin kung ano talaga ang nangyari kaya wala akong ibang magawa kundi ang manghula."
Mas lalo siyang napasimangot sa sinabi nito. Alam niya na sobrang laki na ng atraso niya rito dahil sa dami na ng mga lihim na itinatago niya subalit hindi niya lubos maisip na kaya siya nitong pag-isipan ng ganoon. "At 'yan ang naisip mo?"
Naiiling na natawa si Clyde dahilan para mas lalo pa siyang mainis. Pinag-ti-trip-an ba siya nito?
"I was just provoking you to tell me the truth," sabi nito.
Inirapan niya ito at nilayuan nang kaunti. "So, ito pala iyong sinasabi mo na hindi mo ako pipiliting magsalita," sarkastiko niyang sabi. "Liar."
Umark
