Chapter 63 - Kung ayaw ni James, e di huwag.
Alas nuwebe ng umaga sa Paris, alas tres ng hapon na sa Pilipinas ng makarating ako sa Paris, France after 18 hours na flight. May dalawang oras pa kasing layover ang Cathay sa Hongkong Airport. Nakakapagod din kapag ganito kahaba ang flight lalo na at economy ang ticket ko. Sinundo ako ng L'Oreal Headquarters sa Charles de Gaule Airport sa Paris patungo sa aking hotel. Ang tickets, hotel accommodation at iba pang amenities bukod sa model's fee ay sagot lahat ng L'Oreal.
Mabuti na lang at bukas pa ang rehearsal sa fashion runway kaya puwede pa akong magpahinga at matulog sa hotel. Dahil sa pagod at jet lag, tuloy-tuloy ang tulog ko magmula ng dumating ako dito sa Paris kaninang umaga. Hatinggabi ay nag ring ang cellphone ko. Groge pa ako sa antok ng sagutin ko ito. Hindi ko na nakita kung sino ang tumatawag.
“Hhhellooo?” inaantok kong sagot.
“Gina!” sabi ni James. “Mukhang inaantok ka pa!”
“James, inaantok pa talaga ako. Alas dose na
