Dumating sa kanilang bahay si Gil, bumaba ng sasakyan mula sa back seat. Hindi pa man siya nakakapasok sa loob ng bahay, naririnig niya sa labas ang boses ng ama na may kausap. Pumasok siya sa loob ng bahay. Naratnan niya ang ama sa maluwang nilang sala kasama ang pamilyar na mukha, si congressman Zamora Madrigal.
Sa harapan ng dalawa, may dalawang baso at bote ng brandy na wala pang bawas. Sa hindi kalayuan nakita naman niya ang kanyang ina sa art gallery corner ng kanilang bahay na kausap ang isang babaeng nakatalikod, si Danna ang bunsong anak ng pamilya Madrigal. Alam na niya ang dahilan kung bakit sapilitan siyang pinauwi ng maaga.
"O, Gil narito ka na," bati ng kanyang ama. "Remember congressman Zamora Madrigal."
"Yes pa." Lumapit si Gil sa mga ito at inabot ang kanan kamay sa kaibigan ng ama. "Kumusta po, congressman."
"Mabuti naman hijo. Ang tagal nating hindi nagkita." Inabot ang kamay ni Gil. "Ang gandang lalaki ng anak mo, Rafael. Mukhang marami na itong pinaiyak
