"Hi sir, what can I do for you?" tanong ni Mona kay Gil ng makasalubong. Namukhaan niya ito.
"I'm looking for Ms. Ellie."
"Ah si Ms. Ellie." Tinitigan ni Mona si Gil mula ulo hanggang paa. Paanong hindi niya ito matatandaan ito ang client ni Ellie na pinagpustahan nila ng coffee macchiato na hindi natupad. "Ah, Ikaw sir ang na tour ni Ms. Ellie last time."
"Yes."
"Nasa client's room po si Ms. Ellie, sir." Itinuro ni Mona ang client's room.
Dahil salamin ang pinto nakita ni Gil si Ellie sa loob. Maliban kay Ellie naroon ang boss nito at dalawa pang tao. Kahit hindi niya nadidinig ang pag-uusap halata sa kilos na nakikipagtalo si Ellie.
"Sorry sir baka matagalan pa 'yan. Kung ayos lang sa'yo sir, p'wede mo siyang hintayin sa client's lounge sa first floor."
Tama ang hinuha ni Gil, may tensyong nagaganap sa loob ng client's room. Kahit ang kaharap nararamdaman niya ng negative mood.
"Hindi na siguro. Kung p'wede sa'yo ko na lang ibigay itong wallet niya. Naiwan sa kots
