JUSTINE
"Talaga? Sige Pare, pupunta ako sa fashion show na iyan. Excited na akong makita siya." sagot ko kay Casper habang hindi mapakali. Palakad-lakad ako sa buong kwarto na parang nababaliw. Gusto ko ng hilahin ang araw upang dumating na ang araw ng fashion shaw. Sa wakas, may pag-asa na ulit ako upang makaharap ulit si Alena.
" Ok Pare. Magpapakuha kaagad ako ng VIP tickets. Baka kasi mag sold - out na eh." sagot ni Casper sa kabilang linya.
"Sige Pare.. Salamat.." sagot ko dito.
Pagkatapos makausap ang kaibigan ay nagpasya akong pumunta ng balcony. Kinuha ko ang kaha ng sigarilyo na nakapatong sa lamesita at kumuha ng isang stick para sindihan. Agad akong napapikit ng humagod ang usok ng sigarilyo sa aking lalamunan. Humithit at bumuga ako ng makailang ulit habang nakatingin sa malayo.
Mapakla akong napangiti. Patuloy pa rin akong sinusundan ng bangungot ng nakaraan. Kahit gaano pa ako ka-successful ngayun wala pa ring halaga ang lahat. Kulang pa rin. Kulang pa rin ang lahat-lah
