Hindi makapaniwala si Francesca sa kaniyang mga narinig na balita. Kaagad niyang kinuha ang cellphone at tinawagan ang numero ng lolo niya. Ilang sandali itong nag-ring bago sinagot. Nakahinga na sana siya nang ang matandang caregiver ng kaniyang lolo ang kaniyang nabosesan.
“Si-si grandpa?” Umaasa siyang fake news lamang ang lahat ngunit–
“Ma’am, hindi n’yo pa po ba natanggap ang balita na– na wala na po si Senior? Tumawag po ako sa mansion noong isang araw at nakausap ko po ang iyong ama.”
Hindi na niya naririnig pa ang mga sinasabi ng kaniyang kausap dahil napahikbi na siya. Pinindot niya ang button para mawala na ito sa kabilang linya. Napahawak siya sa kaniyang dibdib. Pakiramdam niya ay nagdurugo na nang sobra ang puso niya.
Nagkapatung-patong na ang lahat ng kaniyang hinanakit. Mula sa lalaking palihim niyang nagugustuhan at sa ama niyang tila gumagalaw na walang pakiramdam. Ang pamilyang meron siya ay unti-unti nang nawawala sa kaniya. Ang mahahalagang tao ay siya ring kinu
