"Wow! Nagkakamali ba kami ng dinig? Tinutukoy mo ba yung malaking private room ng Lotus Bar and Lounge?"
Nagulat si Rachel. Nagduda siya kung tama ba ang narinig niya. Gustong pumunta ni Fane sa silid na may minimum consumption na isang milyong dolyar?
Duda ang lahat sa mga sinabi ni Fane. 'Bakit gustong lumipat ni Fane sa malaking room kahit na wala naman siyang perang pambayad sa middle-sized na room?' tanong nila.
"Di ba sabi niyo may piano dun? Gusto kong marinig na tumutugtog ng piano ang asawa ko. Kailangan nating lumipat dun." ang sagot ni Fane.
"Napakamahal ng room na yun… Hindi pwede, hindi tayo lilipat dun! Tutugtog ako ng piano para sayo kapag libre ako. Magpakabait ka naman para sakin, okay?" tumingin si Selena kay Fane at nagpatuloy, "Gumastos na tayo ng 5 million para sa dalawang kotse ngayong araw! Tingin mo ba hindi mauubos yung laman ng pitaka mo? Huwag ka nang gumastos!"
"Huh? Isang Porsche 911 sa halagang 5 million? Nagbibiro ka ba? Nakakita ka na ba ng Por
