Pagdating ko sa bahay, narinig ko ang abala ni Pearl sa kusina. Matagal ko nang alam na isa sa mga hilig ni Pearl ang pagluluto, at sa mga pagkakataong ako’y pagod at hindi na kayang magluto, madalas siyang nag-aalok ng tulong. Kanina pa ako pagod mula sa opisina, at natapos ko na rin ang mga kinakailangang gawain. Sinabihan ako ni Natalie na magpahinga na lang at pupunta siya sa client meeting. Kasama niya si Maika kaya hindi ko naman pinagtaka na wala siya sa bahay. Naiwan akong mag-isa, ngunit hindi ko naman nakayang magpahinga agad.
Matapos akong magbihis ng pambahay, dumeretso ako sa kwarto namin ni Natalie. Hinayaan ko na lang si Pearl na mag-isa sa kusina kasama si Manang. Hindi ko naman kailangang makialam, at ayokong mapag-uusapan kami. Habang naghahanda sila ng hapunan, nagkaroon ako ng ilang sandali upang magpahinga at linisin ang isipan ko mula sa mga alalahanin sa trabaho. Napakaraming bagay ang dumaan sa isip ko, ngunit hindi ko na inisip pa ang ibang mga detalye.
Huming
