KAHIT INAANTOK na si Weston dahil malalim na ang gabi, ay hinintay niyang dumating ang kanyang mommy. Pasado alas-onse na ito nakauwi.
“Oh, anak. Bakit gising ka pa?” nagtatakang tanong nito nung naabutan siya nitong nakaupo sa sofa sa living room.
“Mom, gusto kitang makausap, kaya hinintay talaga kita.”
“About what?” kunot ang noong tanong nito. “At saka, bakit mo naman ako gustong makausap?” dugtong pa nito.
“About everything. Gusto kitang makausap dahil halos sa gabi ka na lang naglalagi rito kapupunta mo riyan kina Saskia.”
“Aba! Ano ba ang pakialam mo, ha? Kung araw-araw man akong pumupunta roon? Bakit, naaapektuhan ka ba sa pagpunta ko roon?” medyo may irita sa tono nito.
“Mom, hindi naman po sa ganoon. Ang sa ‘kin lang, imbes na iyong oras mo sa pagpunta roon kina Saskia, ay igugol mo na lang sa pagpunta roon kina Katrina. Remember, may mission tayo sa kanila, 'di ba?" pagpapaalala niya rito.
"Tsk! Nakakainis naman kasing babaeng ‘yon! Ano, nangungulit na naman ba na pumunta ta
