BIGLANG tumunog ang cellphone ni Saskia na nakasilid sa kanyang shoulder bag na nakapatong sa mesa, kaya napabitiw siya sa pagkakayakap sa kanyang daddy para tingnan kung sino ang tumatawag, baka kasi ang asawa na niya iyon. Pagtingin niya sa screen ng cellphone, ay ang asawa nga niya ang tumatawag.
“Hello, Weston? Oo, nandito pa ‘ko sa silid ni Daddy. Sige, maya-maya lang ay lalalabas na rin ako, magpapaalam lang muna ako kina Mommy at Daddy. Hintayin mo na lang ako riyan,” wika niya sa asawa, pagkatapos ay pinatay na niya ang tawag.
“Asawa mo, anak?” tanong ng mommy niya.
“Opo, Mommy.”
“Bakit hindi mo man lang isinama rito sa loob para naman makilala namin siya?” sabat naman ng Daddy niya.
“Gusto nga po sana niyang sumama kanina, kaso nga, pinigilan ko kasi, akala ko, galit pa rin kayo sa ‘kin. Ayaw ko kasi na madamay siya sa galit ninyo sa ‘kin.”
“Pasensiya na anak, ha? Pero sa susunod, dapat kasama mo na siya,” ani ng mommy niya.
“Opo, Mom. By the way, bago ako magpaalam sa inyo n
