ANNA POV:
Sa ibaba, hinabol ko siya nang tingin at nakita kong iniwan na niya ang Ducati na sinakyan niya papunta dito sa bahay kanina.
Kung ganon, malayo-layo ang lalakarin niya pabalik sa kanila, nasa 2 kilometro rin ang layo ng malaking bahay na natatanaw mula sa kinaroroonan ko kapag araw dahil sa pinturang puti pero napapalibutan ng mga higanteng puno ng Acacia kaya mula sa direksyon ko at sa malapit na kalsada, ilang bahagi lang nito ang makikita.
Kapatagan na mababa naman ang damo ang nakalatag mula sa ilog na naghihiwalay sa dalawang lupa.
Wala akong naramdamang awa para kay Marco, galit ako. Hindi masama na magkagusto sa isang tao pero pakiramdam ko lumampas siya sa tamang linya. Mas nakakainis isiping matalik silang magkaibigan ni Jared kung body language nila ang pagbabasehan.
Kahit kailan nakakainis ang mga traidor.
Nagtagis ang bagang ko, tinalikuran ko agad ang tanawin kung saan si Marco ang mag isang naglalakad sa ilalim ng papalubog na araw.
“G-gusto ninyo po ba ng k
