ANNA POV:
Nilapitan ko siya, mabilis. Umigkas ang paa ko para sipain siya sa lulod ng binti at nang mapaluhod sana siya sa harap ko, gusto kong magmakaawa siya na nakilala niya ako pero parang alam niya ang mga galaw ko. Nailagan niya yon at ako ang pinatumba niya nang bigyan niya ako ng sidekick sa binti sapat para mawalan ako ng balanse.
Dinakot ko siya sa damit bago ako bumagsak at nagawa kong mag counter attack, pero hinawakan niya ang kamay kong nakadakot sa t-shirt niya, umikot uli siya sa ere at magkasunod kaming bumagsak sa lupa.
Siya ang nasa ilalim at nakadagan ako sa kanya sa mahalay na posisyon na hindi ko inaasahan. Hawak niya ako sa balakang, nakadiin sa katawan niya at nakatukod naman ang mga braso ko sa tapat ng kanyang dibdib.
Masyadong ring malapit ang aming mukha na para bang naghahalikan na kami kung may makakakita sa amin ngayon mula sa malayo.
Dahil naranasan kong sakyan ang katawan ni Jared sa sekswal na paraan, hindi ako nailang nang maramdaman kong nakahi
