Nagulat si Thyra sa tanong ni Bettina at hindi naman nito inalis ang tingin sa kaniya na parang sinusuri kung magsasabi siya ng totoo.
"H-Hindi po," sagot niya. Hindi mapakali ang mga daliri niya kaya hinawakan na lang ang kaniyang bag.
Ilang segundo itong hindi kumibo saka tumango-tango.
"And why?"
"Po?"
"Why don't you like Brett?" Tanong ni Bettina.
"K-Kasi po boss ko siya, Ma'am. Tsaka hindi naman po kami magka-level. Tsaka mataas po ang standards niya. Baka kung hindi po niya ako katulong, hindi rin po niya gugustuhin ang tulad ko."
Napalunok siya dahil sa kaba.
"It doesn't matter if you're not on the same level. By the way, I found out that you two are friends now," sambit nito saka ibinaba ang baso sa lamesa at tumingin ulit sa kaniya saka umayos sa pagkakaupo.
"Opo. D-Dahil na rin po sa mga nangyari."
Pinanatili niya ang kaniyang tayo upang hindi nito mahalatang kinakabahan siya.
"For Brett's safety, avoid mentioning his name outside. A lot of people like him, and also hate him
