Hindi makapaniwala si Thyra sa kaniyang narinig kaya nagmadali siyang umalis doon at naglakad sa gilid ng bahay.
Naupo siya malapit sa bodega at napatakip sa kaniyang bibig.
"Ano'ng gagawin ko? Gusto niya rin ako," iiling-iling na sambit niya saka napahawak sa kaniyang ulo.
"Ayokong umamin."
Ilang beses huminga nang malalim si Thyra at nagpalipas ng ilang minuto saka nagdesisyong pumasok sa loob.
Sakto namang paalis na ang lalake kaya nagmadali siyang dumaan sa poolside at tumakbo sa hagdanan.
Nang makapasok siya sa kaniyang kuwarto ay nanginginig pa rin ang mga kamay niya.
"Ano nang gagawin ko?"
Kinuha niya ang kaniyang unan saka tumili.
Kinabukasan ay hindi mapakali si Thyra habang nagluluto ng kanilang dinner.
Alam niyang late na uuwi si Brett kaya mag-aalas-syete na nang magluto siya.
"Paano ako kakain kapag magkaharap kami? Nakaya ko pang magpanggap na may sakit ako kagabi kaya hindi kami nagkasabay na kumain. Ano naman ang idadahilan ko ngayon?" Sambit niya.
Nang matapos siyang
