"Anak, may gusto sana akong sabihin sa'yo," naluluhang wika ni Thyra habang naglalaro si Thrina sa kuwarto nito.
"Yes, Mommy?"
Huminga siya nang malalim at nilapitan ito. Hinaplos niya ang ulo ni Thrina habang nakangiti, ngunit naluluha.
"Hindi ba we told you before na h-hindi mo talaga ama si Felip?" Panimula niya.
Tumango naman ito.
"Opo. Pero Papa ko pa rin si Papa Felip."
"O-Oo nga, anak. A-Ano kasi, gusto ko na kasing ipakilala ang totoo mong ama. P-Para makilala ka na rin niya, hindi ba?" Pilit na pinatatag ni Thyra ang kaniyang loob habang naiiyak.
"Alright, Mommy. Kilala ka pa rin po ba niya?" Tanong nito.
Tumango naman siya.
"Oo, anak. A-Alam mo, nahihiya ako sa'yo kasi hindi ko agad sinabi sa'yo." Namaos ang boses ni Thyra at tumulo ang kaniyang luha.
Lumabi naman si Thrina at pinunasan ang luha ng kaniyang ina.
"Mommy, okay lang po ako. Basta okay lang kayo. At huwag niyo po akong ipapamigay, ha?" Nakangiting saad nito.
Tumango agad siya.
"Oo naman. Hindi kita ipapamigay. B
