Agad na binuhat ni Brett si Thyra at hindi niya napigilang maluha nang makitang wala itong malay. Patakbo siyang lumabas, at sumusunod naman sa kaniya si Thrina.
"What the hell did you do, Bettina?" Sigaw ni Benjamin habang nanlilisik ang mga mata nitong nakatingin sa kaniyang anak.
Hindi naman makagalaw si Bettina sa kaniyang kinatatayuan.
"Y-You're going too far," saad naman ni Leandra.
Madiing huminga nang malalim si Benjamin at sunod na ring lumabas doon kasama si Leandra.
Naiwan naman sa itaas ng hagdanan si Bettina habang nanginginig ang kaniyang mga kamay at tuhod.
"D-Daddy, matagal pa bang magigising si Mommy?" Umiiyak na tanong ni Thrina habang nasa sofa sila sa gilid ng kama ni Thyra.
Niyakap naman ni Brett ang kaniyang anak.
"M-Mommy will wake up later, baby. Let's pray for her."
Nagpunas naman ng luha si Thrina at nilapitan si Thyra.
"Mommy, gumising ka na, please," saad niya.
Nilapitan naman siya ni Benjamin at niyakap.
"Don't worry, hija, ang sabi ng doctor ay hindi gaan
