Umagang-umaga umiiwas si Milli kay Lucifer dahil sa hiya. Hindi na nga yata pa niya kayang harapin ito dahil sa halik na nangyari kagabi. Dapat hindi niya ito hinayaan dahil nasa katinuan naman siya. Paano nalang pala kung may nangyari? Tiyak na daming nagalit sakaniya, baka isumpa siya ng lahat. Mukhang maging si Stella ay hindi matutuwa sakaniya pag nangyari ang bagay na 'yon.
"Mommy bakit po nag mamadali ka?" Kunot ang nuong tanong ni Stella.
"Ha? Hindi naman," palusot niya kahit na ang totoo ay kanina pa s'ya linga ng linga. "Sige na suot mo na shoes mo at baka mahuli kana sa school bus." Agad niyang sinuot kay Stella ang sapatos nito bago inaya nang lumabas upang abangan ang bus.
"Milli—"
Agad niyang pinasakay sa bus si Stella dahil saktong huminto na ito sa tapat nila, na nasaktuhan naman ni Lucifer ang tawag sakaniya. Ngunit patay malisya siya at pakunwaring walang narinig.
"Bye Stella, ingat sana mag enjoy ka sa school." Paalam niya bago kumaway.
"Mommy family day na po
