"Aalis ka?"
Ngumiti ako kay Mama bago sumagot. "Opo, may kikitain lang po na kaybigan." Hinanap ng mata ko si Bria. Kahapon ko pa ito hindi nakikita kaya nag aalala na ako sa batang yun. "Ma, hindi pa po ba umuuwi si bunso?"
"E, sabi nya baka hapon pa daw sya umuwi dahil hindi daw nila natapos yung project nila." Paliwanag ni Mama.
Napatango ako bago bumaling kay Denver na mukang aalis na naman. "Nabigyan mo na ba ng sustento yung dalawa mong anak?" Tanong ko.
Napakamot ito sa batok bago nahihiyang tumingin kay Mama na parang humihingi ng saklolo.
"Kasi anak napatalo ni Denver yung bigay na para sa sustento ng anak nya, may pera ka pa ba? Papalitan naman ni Denver nag apply na sya ng trabaho."
Hindi ako agad nakapag salita. Huminga ako ng malalim bago nag bilang sa isip ko hanggang sampo. Pinalipas ko ang yamot na naramdaman ko dahil baka umpisa na naman 'to ng pakikipag talo ko kila Mama.
"Ma, kabibigay ko lang po. Sagad na rin po pera ko e, pero subukan ko po makaraket mamaya
