[Pamela]
MAY atraksyon naman siya na nararamdaman kay Alaric, kaya bakit hindi nga niya subukan na gustuhin ito?
Kagat ang labi na nag iwas siya ng tingin ng lagyan nito ng pagkain ang plato niya. Ramdam niya ang paninitig nito sa kanya dahilan para tumahip ang dibdib niya.
Para siyang teenager na nakita ang crush niya!
Nang tumingin siya rito ay napansin niya na nakangiti si Alaric sa kanya. Ngumiti din siya, nakakahawa kasi ang ngiti nito. Lalo lang ito naging gwapo sa paningin niya. Nakakapagtaka man ay ipinagsawalang bahala nalang niya 'yon. Mas sanay kasi siya na walang ekspresyon ang mukha nito.
"Gwapong-gwapo ka ba sa akin, Pam?" May ngiti sa labi na tanong nito.
Inirapan niya ito. "Feeling ka naman d'yan!" Agad na ininom niya ang tubig na nasa harapan na para bang uhaw na uhaw.
Halata ba?
Rinig niya ang mahina na pagtawa nito bago naupo. Muntik na siya masamid ng pagtingin niya rito ay nakatingin din ito sa kanya.
"You're so cute, Pam. Kaya hindi ko gusto na umaalis k
