Danie POV
“Hija, alam kong maaga ka kaya ito— pinaghanda na kita ng babaunin mo. May naluto na rin ako baka gusto mo mag-almusal muna?”
Napalingon si Manang sa akin pagpasok ko sa kusina. Busy siya sa pagbabalot sa foil nang ipapabaon niya sa aking sandwich. Nandoon na rin ang thermostat tumbler ko na palagi niyang nilalagyan ng yelo at tubig. Inilagay niya sa isang lunch bag ang lahat ng ito, kita ang ulo ng tumbler ko dahil sa laki nitong pang-isang litro. Naglagay din siya ng isang saging doon at may pabaon pang-chocolate. Lumapit ako sa kaniya at tinignan ang nginuso niyang mga pagkain sa hapag.
“Hindi na po Manang.” Tangi ko, binuksan ang ref at kumuha ng malamig na tubig doon. Kahit na mas gusto ko ang mainit na kape pampagising sa ‘di nakatulog na diwa ko kakaisip sa mga nangyari kagabi.
May sinangag doon, piritong itlog, hotdog at ang paboritong almusalan ng Donya— bacon, oats na wala pang-timpla bukod sa slice strawberry, banana and blueberries on top. Nakaparada lang ito sa
