Danie POV
“Hindi ko akalaing magkikita tayo ulit, Don Samuel. Akalain mo nga naman, parang ang bata pa rin na ‘ting tingnan.” Itinaas niya ang hawak na baso.
“Kalabaw lang ang tumatanda.” Sagot ng Don, sinabayan ng tawa.
“Hindi na ako magtataka na—”
Hindi ko gusto ang baling niyang tingin sa akin. Tumikhim ako’t nag-iwas ng tingin. “Anong sekreto mo?” May ngisi niyang baling sa kausap.
“Sekreto ko?” Hinawakan ng Don ang kamay ko na naka-abrisiyente sa kanyang braso. “H’wag maging bastos. Sana magawa mo rin.”
Napaawang ang bibig ko sa sinabi niya. Kumurap-kurap ang dati niyang kaibigan at bumaling sa mga kasama namin, hindi kami makapaniwala sa narinig mula sa Don. Lahat sila natahimik. Apat na mga kalalakihan ang humarang sa aming daraan. Sa pagkakaintindi ko, mga dating katrabaho ito ng Donya sa Manila.
Alanganing tumawa ang isa sa kanila na sinundan ng isa pa. Tinapik niya ang lalaki sa balikat.
“How about let’s grab a drink? Masasarap daw ang mga inihandang wine ni Lucinda. Let us
