Kitang-kita ni Hannah ang galit sa mga mata ni Jared. lumapit siya sa dalawa bago tuluyang magsalita.
"Anong ginagawa mo kay Jane, Hannah?"
Doon lang napagtanto ni Hannah na kaya pala binanggit ni Jane ang bata na nasa sinapupunan niya ay dahil alam niyang pabalik na si Jared sa restaurant. Inis na inis na naman si Hannah sa kasinungalingang ginawa ni Jane para magalit sa kanya si Jared.
"Bakit? Ano bang ginawa ko?" sobrang seryoso ng mga mata ni Jared habang tinitingnan niya si Hannah.
Hindi lubos maisip ni Hannah na kaya pala magalit ni Jared sa kanya kahit wala naman siyang ginagawa. Hindi ganoong Jared ang kilala niya. Nakasama niya ito ng sampung taon pero hindi niya kayang gayahin ang pagmamanipula ni Jane kay Jared.
"Jared, huwag mo na siyang awayin. Kasalanan ko naman eh. Lagi na akong nakakagulo sa'yo to the point na wala na kayong oras para sa isa't isa," sabi ni Jane, kitang-kita ang pagpapaawa nito kay Jared na lalo niyang kinainis.
Alam ni Hannah na sinasadyang gawin iy
