The Billionaire's Fiancee

“Sabihin mo nga ang totoo sa akin, pare.  Kamusta kayo ni Hannah? May nangyari na ba sa inyo?” tanong ni Roldan kay Jared, dahilan para hindi tuluyang pumasok si Hannah sa loob ng bahay.

Nakita ni Hannah na nakaupo si Jared sa sofa habang kausap si Roldan. Hawak nito ang isang beer. Nag-iinuman pala sila, ni hindi man nagpaalam kay Hannah.

“Sinusubukan niya, pero hindi naman ako interesado. Bakit mo natanong?” sagot ni Jared na nagbigay ng sakit sa puso ni Hannah.

“Ha? Sigurado ka ba sa sinasabi mo? Si Hannah na ang lumapit sa’yo, hindi mo man lang pinansin? Ang dami kayang nagkakagusto sa kanya,” sagot naman ni Roldan, hindi makapaniwala sa sinagot ni Jared sa kanya.

Ang kausap niya ay si Roldan, isa sa mga matalik niyang kaibigan. Isa siya sa mga nakakita kung paano magmahalan sina Jared at Hannah sa lumipas na sampung taon. Hindi lubos maisip ni Hannah na niloloko lang pala siya noong dalawa.

“Ayaw ko sa kanya, naiintindihan mo ba ‘yon?” nakasimangot na sagot ni Jared.

Labing apat na taong gulang pa lang si Hannah ay pinakilala na siya kay Jared. Ang dami nagsasabi sa kanyana si Jared ang dapat niyang pakasalan, wala nang iba. Simula noon, nakatira na sila sa iisang bahay. Sampung taon na ang nakakalipas.

“Bakit nga ba ako nagtatanong? Sabay nga pala kayong pumasok ni Hannah sa trabaho. Nakikita niyo ang isa’t isa sa araw at gabi. Kumakain kayo sa iisang lamesa. Pati nga yata ang mga pribadong gawain, nakita niyo na sa isa’t isa eh,” sabi ni Roldan kay Jared, natatawa siya sa sarili niyang kalokohan.

“Wala nang thrill kapag matagal na kayong nagsasama. Dapat meron, e. Alam mo ‘yon? ‘Yong parang, may mga bagay na hindi kayo alam sa isa’t isa? Hindi ko ‘yon makita kay Hannah,” sagot ni Jared na nagpa-wasak sa puso ko.

Natahimik si Roldan dahil sa sinabi ni Jared. Tumango-tango siya sa kaibigan, para bang sumasang-ayon siya sa sinasabi ni Jared. Dahil sa narinig ni Hannah ay parang gusto na niyang sumabog.

“Kung ganoon ang nararamdaman mo, papakasalan mo pa rin ba siya?” tanong ni Roldan na lalong nagpatigil sa paghinga ni Hannah.

Ang mga magulang ni Jared ang may gustong ikasal ‘yong dalawa. Pinapakuha na nga sila ng certificate. Si Roldan na mismo ang nagtanong kay Jared ng isang bagay na gustong malaman ni Hannah.

Hindi agad sumagot si Jared kaya tinanong ulit siya ni Roldan. Dito na sumikip lalo ang dibdib ni Hannah, kahit alam na niya ang sagot ay umaasa pa rin siyang iba ang isasagot ni Jared sa kaibigan.

“Bakit tahimik ka lang? Ayaw mo ngang magpakasal sa kanya?”

“Ayaw ko,” maikling sagot ni Jared.

“Ibigsabihin, gusto mong magpakasal pero hindi ka pa handa, tama ba?”

Sa tagal nang mag-kaibigan nina Jared at Roldan ay kilala na nila ang isa’t isa, kahit nga yata wala pa silang sinasabi ay alam na nila kung anong pinupunto ng isa.

“Roldan, narinig mo na ba ang kasabihan na ‘to?” tanong ni Jared.

“Alin?” sagot ni Roldan, nagtataka kung ano ba ‘yong sinasabi ng kanyang kaibigan.

“Kung wala kang ganang kumain, huwag mong itapon kasi sayang,” sagot ni Jared.

Sumikip lalo ang dibdib ni Hannah, pakiramdam niya, siya ay tira-tira na lang para kay Jared. Na nasa tabi lang siya ng taong mahal niya dahil wala nang choice si Jared. Labis siyang nasaktan dahil doon.

“Pero, pakakasalan mo nga siya kahit ganoon na ang nararamdaman mo para sa kanya?” pang ilang ulit nang tanong ni Roldan kay Jared kaya naman nakulitan na ito.

“Gustong-gusto mong malaman ang sagot ko, ‘no? May gusto ka ba sa kanya? Sabihin mo lang, ibibigay ko naman siya sa’yo eh,” sagot ni Jared.

Tao si Hannah, may nararamdaman. Paano niya nagagawang sabihin ‘yon? Para tuloy siyang isang gamit na napag-sawaan na niya. Kahit nga ‘yong aso o pusa, kapag nakasama mo ng sampung taon, magkakaroon ka ng koneksyon. Tapos pagdating kay Hannah, ganoon lang? Kitang-kita ni Hannah na wala siyang halaga para kay Jared.

Pero, si Jared? Siya ang buhay ni Hannah. Ang lahat-lahat ni Hannah. Inalagaan siya nito, minahal ng buo. Kahit nga maubos na si Hannah, basta maayos siya ay ayos na rin si Hannah. Paano niya naloko ng sampung taon ang taong nagmahal sa kanya nang lubos? Sobrang sakit para kay Hannah dahil inubos niya lang ang sampung taon niya sa lalaking katulad ni Jared.

“Ano bang pinagsasabi mo? Hindi ganoon ang tingin ko kay Hannah. Marami pa namang babae dyan, doon na lang ako,” sagot naman ni Roldan kay Jared.

Kinuha ni Jared ang sigarilyo mula sa ashtray sa may sofa at saka tumayo.

“Umalis ka na nga, pahamak ka na simula noong dumating ka kanina eh.”

“Hindi ako ang nagpapahamak sa’yo kung hindi si Hannah. Aba, kung hindi mo naman talaga siya mahal ay hiwalayan mo na siya, para naman makahanap siya ng iba,” iyon ang huling sagot ni Roldan pagkatapos ay kinuha ang kanyang coat, tumayo at umalis.