Dahil sa sarap ng kanyang tulog ay late nang nagising si Hannah. Pagdilat niya ay nakita niyang may dalang breakfast para sa kanya si Liane. Napangiti naman siya rito.
“Nagluto ako ng pancakes tapos nilagyan ko na rin ng strawberry at blueberry. Ito na rin ang kape mo. Inumin mo ‘yan ha?” sabi ni Liane.
Inubos naman iyon ni Hannah dahil hiyang-hiya siya sa kaibigan at pinaghanda pa siya nito. Dahil maaga si Liane sa ospital ay sumabay na rin sa pagbaba si Hannah. Papasok na rin kasi siya sa opisina.
Nagulat na lang ang dalawa nang makita na nasa labas ng bahay ni Liane si Jared. Naghihintay ito at may hawak pang white roses. Dahil doon ay nagpaalam na si Liane para maunang umalis.
“Alis na ako ha? I-text mo lang ako kapag may ginawang masama sa iyo ang lalaking iyan,” bulong ni Liane.
“Oo, sige. Salamat, Liane ha?” sagot naman ni Hannah pagkatapos ay humalik sa pisngi ng kaibigan.
Nang dumaan si Liane sa harapan ni Jared ay kinausap niya ito.
“Delikado rin sa mga babaeng may menstruat
