Lumapit si Hannah doon sa nakabangga kay Jane para tanungin kung ano ba talaga ang nangyari. Dahil nakita ng lalaki kung paano nagalit si Jared sa kanya ay kabadong-kabado ito. Pinakalma muna siya ni Hannah bago tuluyang tanungin.
"Ano ba kasi ang tunay na nangyari?" tanong ni Hannah, tila nag-aalala para roon sa lalaki.
"Miss Hannah, bigla na lang siyang tumakbo eh. Sa tingin ko, parang sinadya niya. Maayos naman ang pagmamaneho ko." mapapansin na takot pa rin 'yong lalaki.
"Huwag kang mag-alala, okay? Magiging okay din naman lahat. Isa pa, may mga CCTV sa paligid. Malalaman natin kung ano talaga ang nangyari, ha?" sagot ni Hannah.
Nang marinig iyon noong lalaki ay kahit paano ay kumalma ito. Kilala naman kasi ng lahat si Hannah. Alam ng lahat na siya ang fiancée ni Jared, kaya umaasa 'yong lalaki na tutulungan siya ni Hannah kung sakali mang may mangyaring hindi maganda sa kanya.
"Thank you po, Miss Hannah," sagot noong lalaki.
"Sige na, okay na iyon. Kung may problema man o ano, pw
