Habang hawak ni Nica ang bag kung saan naroon ang pregnancy test kit na bagong bili niya mula sa botika, hindi niya mapigilan ang panginginig ng kanyang mga daliri. Para siyang lutang habang naglalakad pabalik sa condo ni Rafael. Ilang beses niyang pinisil ang bag na hawak niya—parang gusto na niyang malaman ang sagot pero natatakot siya.
Humugot siya ng malalim na buntong-hininga. "Please... sana hindi. Hindi pa ako handa."
Mabilis ang tibok ng puso niya. Kasabay ng malalalim na hininga ay ang unti-unting pamumuo ng luha sa gilid ng kanyang mga mata. Hindi niya alam kung dahil sa kaba, takot, o paghahanda sa katotohanan na posibleng magbago ang buong buhay niya muli.
Habang tumatawid siya sa pedestrian lane, abala pa rin siya sa pag-iisip. Wala siyang kamalay-malay sa paparating na kotse mula sa kaliwa. Mabilis ang takbo nito. At ang mas masaklap—si Camilla ang nasa likod ng manibela.
Wala sa sarili si Camilla habang hawak ang cellphone, sinusubukang tawagan si Rafael. Galit siya,
