IT was nine in the evening. Kakatapos lamang asikasuhin ni Zieth Kate ang kaniyang Mommy Adelaida upang pakainin ito ng hapunan. Sa pagod na dulot ng maghapong kakaharap sa mga papeles niya sa opisina, pag-uwi niya ay ito ang kaniyang mararatnan.
Ang kaniyang ina na hanggang ngayon ay nasa ilalim pa din ng emotional breakdown na naging sanhi ng mild stroke nito. Ang paghihirap niya dahil sa kondisyon nito ay mas lalong nadagdagan. Maliban sa private nurse na nag-aasikaso sa kanilang Mommy, may isang moyordoma, kusinera at isang hardinero ang tanging kasama niya sa napakalaking mansiyon ng Del Fuego.
Kung minsan ay napapaluha na lamang siya sa tuwing nakikita niya ang mga larawan ng kaniyang Daddy Arthur. May naroong bigla na lamang bumabagsak ang kaniyang luha dahil sa naalala niya ang masasayang ala-ala na nabuo sa loob at labas ng mansiyon na iyon.
Tungkol naman sa kaniyang Kuya Blake, nanatili pa din itong nasa pangangalaga ng kapulisan dahil sa mga nabibinbing imbestigasyon at
