Ika-labing dalawang araw ng pananatili ko sa mundo ng mga mortal. Ayon kay Cyrus kahapon nang tanungin ko siya ay alas siyete ng umaga siya aalis para pumasok sa trabaho, kung kaya’t alas singko y medya pa lang ay bumangon na ako at naghanda ng almusal. Palaging pinapaalala sa akin ni Danie na bago simulan ang ano mang gawain at trabaho ay kailangang may laman ang tiyan dahil ito ang magbibigay enerhiya upang masimulan ng maayos ang kung ano mang gawain. Noong mga nakaraan ay hindi ko siya napagluluto dahil nagbabawi pa ako ng lakas, ngunit ngayong tuluyan ng maayos ang lagay ko ay sisimulan ko na ang pagluluto ng kanyang almusal sa araw-araw hanggat nandito pa ako nanunuluyan sa kanyang tahanan.
Hindi ko pa alam kung ano ang hilig niyang kainin sa umaga o ang paboritong kombinasyon ng pagkain, kung kaya’t kung ano muna ang nandito na alam kong lutuin ay siya kong ihahanda.
Ang itlog na narito ay hinaluan ko ng sibuyas, kamatis, siling berde, at sinamahan n
