CHAPTER 279
“Tsk. Wag ako, Francis Bustamante. Kilala na kita at hindi ka naman dating ganyan. Sigurado ako na may ginawa ka lalo na at madalas kang nawawala nitong mga nakaraang mga araw,” sabi ni James.
Bahagya naman nga na tumawa si Francis dahil talagang kilalang kilala na siya ni James. At talagang kahit noon pa man ay hirap nga siya na maglihim dito.
“Well, siguro sa ngayon ay hindi ko na muna sasabihin sa’yo kung anuman ang ginawa ko. Pero wag kang mag alala dahil malalaman at malalaman mo rin naman iyon,” sagot ni Francis at saka nga niya ipinagpatuloy ang kanyang ginagawa. “Sa ngayon ay matuwa na lamang tayo at muling gumaganda ang takbo ng kumpanya,” dagdag pa nito.
“Siguraduhin mo lang na maganda ang kalalabasan ng pinaggagagawa mong iyan, Francis. Kaya pala palaging kang nawawala ay mayroon ka pala talagang ginagawa na hindi sinasabi sa akin,” sagot naman ni James na napapailing na lamang.
Hindi naman na nagsalita pa si Francis at napapangiti na lamang nga siya dahil magan
